Apresiabel siudadano,
Kuerpo Polisial ta lamentá ku bo a bira víktima di un di e echonan kastigabel aki, sea ladronisia, kiebro, destrukshon, menasa o maltrato i pa kua bo mester hasi denunsia.
Nos ta tuma bo denunsia hopi na serio i lo traha riba dje.
Naturalmente nos ta pone prioridat riba e kasonan i ta spera ku bo mes tambe lo por duna nos mas tantu informashon posibel pa mas lihé ku por, bo kaso keda solushoná.
Klek riba e balki blou te abou riba e pagina aki i sigui e proseso pa bo mes hasi bo denunsia. Bo por pone bo imágennan tambe tantu di potrèt komo di video den bo denunsia.
Nos ta gradisí bo pa e konfiansa depositá den Kuerpo Polisial Kòrsou i ta spera ku bo kaso lo haña un solushon satisfaktorio pa bo.
Tene kuenta ku pa otro echonan kastigabel di kua bo ke hasi un denunsia, bo mester sea yama un di nos 5 wardanan di polis òf manda nos un mail pa traha un sita.
Den kaso ku na e warda di polis mes nos no por tuma e tipo di denunsia ei, nos lo referí bo na e departamento na unda si bo por hasi esaki.