Polis di Turismo

Un di e partnernan ku ta yuda polis den su trabounan di mantenshon di òrdu públiko, ta Politur. E organisashon aki ta okupá su mes ku seguridat i bienestar di prinsipalmente turistanan ku ta bishitá nos isla.

No opstante ku na momentu ku un insidente ku un turista tuma lugá, manera den tur otro kaso ku polis mester akudí, e unidatnan di Politur tambe ta yega p’asina kontinuá ku e kuido di e turista i yud’é kaba di atendé su asuntunan. Aki por pensa riba dokumentunan di biahe i otro pertenensia ku keda hòrtá, pero tambe kualke otro krímen ku e turista bira víktima di dje.

Unidatnan di Politur ta tene vigilansia diariamente den área di playanan i na sitionan di atrakshonnan turístiko. Tambe nan ta atendé kasonan rònt Kòrsou den kua tin turista enbolbí. Politur ta operá for di tres punto stratégiko, esta: Mambo Beach Boulevard, Sambil i e Pòst Westpunt. Nan ta hasi uso di diferente tipo di vehíkulo manera outo, pikòp, ‘quad’, baiskel i ‘segway’, pero tambe nan ta usa teknologianan moderno manera ‘drone’; ya asina nan por alkansá e turista mas fásil.

Politur ta alkansabel riba e number di telefòn 917.