Persona pèrdí

Persona pèrdí

Persona pèrdí

Despues di a mèldu un persona komo pèrdí, en general ta dura 24 ora promé ku Kuerpo Polisial kuminsá e proseso di notifikashon i búskeda. Despues di risibí e notifikashon por distinguí si ta trata di un situashon di emergensia. Si esaki ta e kaso, e ora ei no ta warda 24 ora pasa promé ku kuminsá e proseso di informá i búskeda. Tambe e persona ku ta hasi e notifikashon por indiká si e ta deseá pa komuniká e notifikashon solamente interno òf tambe públiko.

Notifikashon di personanan pèrdí bou di 15 aña di edat ta sosodé na Departamentu di Reshèrshi. E departamentu pa Asuntunan kontra Moral i pa Bienestar di Mucha (Jeugd & Zeden Zaken – JZZ) ta atendé entre otro ku e tema spesífiko aki. Pa tur otro notifikashon di personanan ku a pèrdè por akudí na kualke warda di polis, punto di sosten i seguridat òf por yama 917.

Na momentu di hasi notifikashon bo mester duna polis por lo ménos e siguiente informashon:

  • Un portrèt resien di e persona
  • Un deskripshon di e persona
  • Indikashon di loke e persona tabatin bistí último biaha ku bo a mir’é
  • Fecha, orario i lugá kaminda a mir’é último biaha
  • Otro informashonnan relevante
Warda di Polis Rio Canario
Telefòn (+5999) 866-6800
Warda di Polis Otrobanda
Telefòn (+5999) 866-6400
Warda di Polis Punda
Telefòn (+5999) 866-6300
Warda di Polis Montaña
Telefòn (+5999) 866-6700
Warda di Polis Barber
Telefòn (+5999) 866-6900