Orario nobo pa duna servisio

Departamentu di Imigrashon (U.V.T.):

Departamentu di imigrashon ta situá den e edifisio di polis na Winston Churchillweg s/n.

E departamentu aki ta alkansabel tambe riba e numbernan di telefòn 7246692, 7246693 òf 7246694.

Orarionan di bishita:

Pa pèrdida di dokumento: tur djárason entre 8’or di mainta i 12’or di mèrdia.

Pa informashon òf entrega di artíkulonan na ilegalnan pendiente pa deportá: di djaluna pa djabièrnè entre 8’or di mainta pa 12’or di mèrdia.

Departamentu di Leinan Speshal (Unit Bijzondere Wetten – UBW):

Departamentu di Leinan Speshal di Polis ta situá den e edifisio di polis na Winston Churchillweg s/n.

E personal di e departamentu aki ta alkansabel na:

• 724-6104 pa aktividatnan públiko
• 724-6103 / 724-6111 pa pèrmit di arma di kandela
• 724-6106 pa tur lokual tin di aber ku ‘horeca’
• 724-6102 pa artistanan internashonal (buitenlandse artiesten)

Por mail Departamentu di Leinan Speshal na ubw@polis.cw

Tur petishon pa e departamentu aki lo wòrdu atendé a base di sita ku e personal lo traha ku e kliente.

Departamentu di Tráfiko (Unit Verkeer):

Departamentu di Tráfiko ta situá den e edifisio di polis na Winston Churchillweg s/n.

Tareanan di e departamentu di Tráfiko ta enserá:

• Primeramente ta hasi investigashon di aksidente den tráfiko entre otro: ora un persona a fayesé òf tin herido grave a konsekuensia di e aksidente den tráfiko;
• Kore bou di influensia di un supstansia ku ta kita for di e abilidat di manehá un vehíkulo; pasa den lus kòrá; kore bai despues di un insidente; aksidente den tráfiko ku vehíkulo di Polis.
• Tuma denunsia di aksidente den tráfiko (aanrijding) kaminda e shofùr a kore bai despues di e insidente.
• Duna informashon na kliente tokante: un aksidente di tráfiko kaminda un mas partido no tabatin seguro na momento di e insidente; duna splikashon si no ta kla dikon tin kulpabilidat.
• Tuma petishon pa di pèrmit òf eksonerashon (vergunning of ontheffing) pa traha riba òf na kareteranan / kamindanan públiko (openbare weg).
• Tambe pa otro petishonnan tokante situashonnan di òf den tráfiko.

Por alkansá personal di e departamentu aki na e numbernan di telefòn:

• 7246120 pa kasonan ku ta rekerí un segundo opinion òf si ta trata di problema ku seguro
• 7246121/ 7246122/ 7246126 pa chèk státus di kaso di aksidente den tratamentu; pa hasi denunsia di ‘hit & run’, èts.
• 7246121 / 7246117 pa petishon di pèrmit òf eksonerashon (vergunning/ontheffing) pa traha riba òf na kareteranan / kamindanan públiko (openbare weg)

Tambe por hasi uso di e e-mail trafiko@polis.cw pa:

• Hasi denunsia (ku informashon kompletu di e insidente);
• Hasi notifikashon di un òf mas situashon(nan) peligroso riba òf na kareteranan / kamindanan públiko (openbare weg);
• Duna informashon tokante un situashon di ‘fever’ ku videonan, riba kua entre otro e peliger òf e opstakulisashon di otro partisipantenan den tráfiko ta kla visibel;
• Hasi otro pregunta- òf petishon(nan) tokante situashon(nan) di/den tráfiko.