Bon biní riba e wèpsait ofisial di Kuerpo Polisial Kòrsou

E wèpsait aki ta duna bo akseso na informashon relevante di Kuerpo Polisial Kòrsou, komo organisashon. Ademas e ta ofresé bo e fasilidat di por buska i haña informashon relashoná ku Kuerpo Polisial Kòrsou na un manera mas efikas i lihé. Asina e wèpsait aki entre otro ta kontené informashon di servisionan ku Kuerpo Polisial Kòrsou ta ofresé i tepnan di prevenshon ku bo mes por apliká pa limitá e chèns ku bo ta bira víktima di kriminalidat.

Si bo ta deseá kualke informashon ku no ta optenibel riba e wèpsait aki òf si bo kier duna remarke òf hasi pregunta, por fabor aserka nos pa medio di un di e numbernan di telefòn òf via mail; manera indiká riba e página prinsipal i e página di kontakto.

Kuerpo Polisial Kòrsou den su afan pa buska mas manera pa Sirbi i Protehá, ta hasi su máksimo esfuerso pa brinda boso un wèpsait di kalidat haltu ku informashon alkaso, relevante i interesante. Pues, e wèpsait aki konstantemente lo keda den desaroyo … sigui bishitá nos ku regularidat!