Traha serka KPC

Traha serka KPC

Traha serka KPC

Si un persona tin e deseo pa traha na Kuerpo Polis Kòrsou (den un funshon no ehekutivo) òf di bira un agente polisial (ámtenar di polis ku funshon ehekutivo), e ora ei e por solisitá na momentu ku Kuerpo Polisial Kòrsou duna di konosé ku esaki ta posibel.

Si un persona ta interesá pa traha na Kuerpo Polisial Kòrsou komo un agente polisial, e persona aki mester a finalisá e Estudio di Polis Básiko (Basis Politie Opleiding) por lo ménos riba nivel di SBO 3 / MBO 3. Den kaso ku e no a finalisá e Estudio di Polis Básiko manera menshoná e ora ei e lo sigui e estudio aki mas lihé posibel despues ku drenta den servisio serka Kuerpo Polisial Kòrsou.

Prosedura di reklutamentu

  • Kuerpo Polisial Kòrsou, ta pone aviso den korantnan lokal i riba su wèpsait;
  • i ta duna informashon di e prosedura.

E eksigensianan básiko

E eksigensianan básiko ku e kandidato mester kumpli kuné ta:

  • dispone di una nashonalidat hulandes;
  • por lo ménos 17 aña di edat;
  • kumpli ku eksigensianan tokante nivel di estudio, esta: por lo ménos LTS-T stroom, MAVO-D, VSBO-TKL, komprobante ku e kandidato a sigui e promé 3 añanan di HAVO i VWO ku éksito;
  • estatura mínimo pa hende muhé: 1.68m, estatura mínimo pa hende hòmber: 1.70m;
  • na momento di drenta den servisio mester dispone di un reibeweis B òf ta optené esaki denter di dos aña despues di drenta den servisio. 

Prosedura di selekshon

E prosedura di selekshon ta konsistí di e siguiente partinan:

  1. tèst físiko (fysiek motorisch onderzoek)
  2. tèst pa miedu di haltura (hoogtevreestest)
  3. tèst pa midi abilidat pa rasoná lógiko (raventest)
  4. tèst di idioma (taalvaardigheidsonderzoek)
  5. entrevista di solisitut (selectiegesprek)
  6. tèst sikológiko (psychologisch onderzoek)
  7. investigashon di antesedentenan (antecedentenonderzoek)
  8. tèst médiko (geneeskundige keuring)


Den esaki ta aplikabel ku un kandidato mester optené un resultado positivo pa un parti di e prosedimentu di selekshon pa por partisipá den e siguiente parti di e prosedimentu. Pa yena e vakaturanan ta hasi un selekshon for di e kandidatonan ku a finalisá tur e partinan di e prosedimentu ku mihó puntuashon.

Pa mas informashon por tuma kontakto ku nos departamento di Rekurso Humano (Human Resources) na 866-6210.

Warda di Polis Rio Canario
Telefòn (+5999) 866-6800
Warda di Polis Otrobanda
Telefòn (+5999) 866-6400
Warda di Polis Punda
Telefòn (+5999) 866-6300
Warda di Polis Montaña
Telefòn (+5999) 866-6700
Warda di Polis Barber
Telefòn (+5999) 866-6900