Polis di Turismo

Polis di Turismo

Polis di Turismo

Politur ta para pa Polis di Turismo. E meta speshal di e unidat polisial aki ta pa protehá e sektor di turismo, aki na Kòrsou den un forma spesífiko pa prevení kriminalidat, analisá rísiko i garantisá seguridat. Mientrastantu e konsepto di Politur ta konosí den regio. Den paisnan manera Repúblika Dominikano, Colombia i Costa Rica lantamentu di e Kuerpo di Politur a keda sorprendé ku e resultado positivo pa e sektor i e imágen di e paisnan konserní.

Politur tin derecho di eksistensia ku e meta sosial, manera ta deskribí i stipulá den e lei di konsenso pa Kuerpo Polisial Kòrsou. Politur tin un tarea spesífiko, bou di maneho di hefe di kuerpo i e outoridat outorisá i di akuerdo ku e reglanan válido stipulá, pa perkurá pa un mantenshon efektivo di órden hurídiko den e sektor di turismo i duna servisio/yudansa na bishitantenan di Kòrsou.

Alohamentu i área di trabou di Politur

  • Área di vigilansia di Politur ku base di salida Boulevard/Mambo:
    Ta abarká for di Boulevard, Caracasbaai, Papagayo te ku Jan Thiel Beach i Boulevard te ku Avila Beach.
  • Área di vigilansia di Politur ku basenan di salida World Trade Center i Sambil: Ta abarká e área di hotèl rondó di Piscadera i for di WTC te ku Renaissance Hotel; ademas e tereno di Sambil i te na krusada di Veeris.
  • Área di vigilansia di Politur ku base di salida Westpunt:
    Ta abarká tur bich, playanan di Westpunt, atrakshon turístiko i tur loke ku ta apto/digno ku e turista ta deseá di para mira.
  • Hasi presensia di Politur notabel kaminda konstatá moveshon i aglomerashon di turista.
  • Tur mèldu ku ta envolví un turista.

Tarea di Politur

  • Prevenshon den perturbashon di òrdu òf echonan kastigabel
  • Mantenshon di òrdu públiko i di siguridat
  • Asistensia den kaso di emergensia

Ora di trabou

  • 08:00 or – 16:00 or
  • 16:00 or – 00:00 or

Kontakto

Lokalidat  Telefòn 
World Trade Center (WTC) 463-6542
Sambil 735-2396
Boulevard 735-0044
Westpunt 864-0000
Warda di Polis Rio Canario
Telefòn (+5999) 866-6800
Warda di Polis Otrobanda
Telefòn (+5999) 866-6400
Warda di Polis Punda
Telefòn (+5999) 866-6300
Warda di Polis Montaña
Telefòn (+5999) 866-6700
Warda di Polis Barber
Telefòn (+5999) 866-6900