Notisia

Orario nobo pa hasi denunsia

Orario nobo pa hasi denunsia

Entrante promé di novèmber 2016, personanan ku ke hasi denunsia di un echo kastigabel simpel, por hasi esaki entre 8’or di mainta pa 8’or di anochi na un di e 5 wardanan di polis, ku ta Barber, Rio Canario, Punda Otrabanda i Montaña, 7 dia pa siman. Bou di echonan kastigabel simpel ta kai: echonan di baldadi, destrukshon, ladronisia (tambe di vehíkulo), sendementu di kandela, menasa, maltrato sin arma di kandela, malversashon i violensia den esfera relashonal.

Den kasonan di kiebro den kas i den negoshi i ku e denunsiante yama 917, polis lo bini na e bibienda òf e establesimentu i lo tuma e keho na e sitio mes. Den tur otro kaso, polis lo referí e denunsiante na e warda di polis ku ta mas den su serkania pa duna keho. Únikamente den kasonan eksepshonal i di urgensia, polis lo tuma keho na warda den oranan di anochi.

Di e forma aki polis lo bai traha mas efisiente i asina ei sigui drecha e kalidat di servisio ku kada dia di nobo e ke brinda nos komunidat. Un súplika ta bai na un i tur pa tene bon kuenta ku e kambio aki.

Warda di Polis Rio Canario
Telefòn (+5999) 866-6800
Warda di Polis Otrobanda
Telefòn (+5999) 866-6400
Warda di Polis Punda
Telefòn (+5999) 866-6300
Warda di Polis Montaña
Telefòn (+5999) 866-6700
Warda di Polis Barber
Telefòn (+5999) 866-6900