Intake & Service

Intake & Service

Intake & Service

Intake & Service ta atendé tur aktividat ku ta konserní petishon di kliente. E aktividatnan por konsistí di:

  1. Un petishon pa ayudo di emergensia
  2. Un petishon pa ayudo ku no ta emergensia
  3. Un petishon di pèrmit pa un evenemento
  4. Denunsia di un echo kastigabel
  5. Denunsia di ophetonan hañá òf pèrdí
  6. Un keho kontra di aktuashon polisial no deseá
  7. Duna òf risibí informashon
  8. Entregá artíkulonan hañá òf notifiká artíkulonan pèrdí
  9. Otro interakshon personal ku polis

Kontakto ku Intake & Service

Na bali (personal)

Na bali por duna i risibí informashon i tambe por hasi denunsia (simpel) òf hasi petishon di pèrmit. Generalmente e balinan ta habrí di or di mainta pa 8 di anochi pa kasonan di denunsia simpel. Sinembargo por risibí servisio 24 ora, esaki ta inkluí kasonan ku no ta relashoná na ku un denunsia simpel, 7 dia pa siman (24/7) na tur 5 warda di polis, esta:

  1. Punda
  2. Otrobanda
  3. Barber
  4. Rio Canario
  5. Montaña

Via di telefòn

  • Por yama na e number 911 solamente pa kasonan di emergensia (urgente).
  • Pa kasonan ku no ta di emergensia (ménos urgente) por hasi uso di e number 917 òf otro numbernan konosí di polis.

Intake & Service ta sòru pa:

  • Kontakto ku polis lihé i ku ta aksesibel pa tur hende.
  • Tur siudadano haña e mesun kalidat di servisio, a apesar di ken e ta i unda e ta biba.
  • Tur siudadano keda informá tokante loke nan por spera di polis.
  • Konsekuentemente un interakshon (feedback) aktivo tokante státus di e petishon di e siudadano.
  • E petishon di e kliente keda atendé mas kompletu posibel denter di un tempu mas kòrtiku posibel i mas tantu posibel sin transferensia.
Warda di Polis Rio Canario
Telefòn (+5999) 866-6800
Warda di Polis Otrobanda
Telefòn (+5999) 866-6400
Warda di Polis Punda
Telefòn (+5999) 866-6300
Warda di Polis Montaña
Telefòn (+5999) 866-6700
Warda di Polis Barber
Telefòn (+5999) 866-6900